أون تيوب: مسلسلات رمضان

و الى أخر علامة من علامات رمضان .. المسلسل العربي. الفقرة اللي كانت بتلم كل أفراد الأسرة .. وكانت انظار الناس كلها بتتجه اليها في وقت ما قبل السحور .. وبالذات لما بتتصاعد الاحداث .. تلاقي كل المشاهدين بينتظروه بشغف .. و بيصبح المسلسل حديث المدينة. خصوصا .. إن زمان كان الموضوع كله عبارة عن مسلسل واحد .. مصر كلها بتتابعوه. و بعدين بقوا مسلسلين .. وشوية بقوا اربعة و خمسة .. لأنها اثبتت نجاحها في هذا الشهر الكريم. ومرة واحدة .. اعداد المسلسلات تضاعفت .. لتصل الى 40 مسلسل .. وبعدين 60 .. لحد ما وصل الإنتاج الدرامي سنة 2010 لحوالي 90 عمل درامي. أما السنة دي 2012 .. فعندنا في حدود ال 70 مسلسل .. و بالتالي بدل ما الناس كانت بتتكلم على أحداث مسلسل أو إتنين .. بقة السؤال التقليدي .. إنت بتتفرج على أنهي مسلسل؟